My photo
മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..

Sunday, August 31, 2008

പഴയ ചില ചിത്രങ്ങള്‍


എന്റെ വരകള്‍
മാഞ്ഞുപോകും മുന്‍പു.........


                                              

Thursday, August 21, 2008

കാവല്‍

ശൂ.. ശ് ..
ശ്രദ്ധിക്കുക..
ഇരുട്ടും നിലാവും രഹസ്യം പറയുന്നുണ്ട്.
ചീവീടുകളെ...
കാറ്റിനെ കീറാ‍തെ
കൂട്ടുകാരാ ..
ഉള്ളിലിരുന്നു നീ ശ്വാസം പിടിക്കാതെ....

എനിക്കു പതുക്കെ
പതിയെ നടക്കാന്‍ നേരമായ്
തിരമുറിച്ച് തണുപ്പു കുടിച്ച്
വൃത്തത്തില്‍ കൈവീശി
കറങ്ങി പറന്നാണ്
പോകേണ്ടത്

കടലിന്റെ നടുവിലാണവര്‍
നിശ്വാസം പങ്കുവയ്ക്കുന്നത്
ആരും മന്ത്രിക്കരുത്
എനിക്ക് ആഴക്കടലില്‍
പവിഴപുറ്റുകളിലേക്ക്
അസ്തമിക്കേണ്ടത് അപ്പോഴാണ്

കാരണം നിലാവറിയാതെ വേണം
ഉപേക്ഷിക്കപെട്ട ശംഖിലെ
തീര്‍ത്ഥം കടലിലൊഴുക്കാന്‍

അത്രകണ്ടു
പ്രണയിച്ചെന്നറിഞ്ഞിട്ടാവാം
കാറ്റ്
കടലിന്റെ ഗല്‍ഗദത്തിനു മീതെ
ഇപ്പൊഴും
ചൂണ്ടുവിരല്‍ അമര്‍ത്തി പിടിക്കുന്നത്.

Thursday, August 14, 2008

ശിലയെ നീ അറിയൂ

ശിലേ..
നിന്നിലുറഞ്ഞ കാലഘട്ടങ്ങള്‍
മൌനം നിറച്ചതാണെങ്കിലും
ഭാഷ മരിച്ചെന്നോടുരിയാടുവാന്‍
ജീവന്റെ ലക്ഷണമില്ല,
ചിതറുന്നു ഉടച്ചുവാര്‍ക്കുന്നു
എല്ലാവരുമെങ്കിലും..

സ്നേഹിക്കട്ടെ നിന്നെ
പകരമൊരംഗ വിക്ഷേപമൊ
നോട്ടമൊ വാക്കോ
 മടക്കാനാവില്ലയെങ്കിലും
ഉള്ളിലലിയുന്നുണ്ടു എല്ലാത്തിലും
ഒരു നേര്‍ രേഖാസ്പന്ദനമെന്നറിയിക്കുന്നു
നീ.