തെളിനീര്‍ തടാകത്തില്‍ തണുപ്പറ്റം നീക്കീട്ടു
ഒരു മത്സ്യം
തലനീട്ടി പ്രപഞ്ചത്തോട്
അമ്പരന്നു : എന്തുവാടെ ഇത് !
വാനത്തിന്‍ തോട് പൊക്കി
മനം
മാനം തൊട്ടു ചന്ദ്രനോട് അമ്പരന്നു :
എന്തുവാടെ ഇത് !
കൊള്ളിമീന്‍ കൊടി നാട്ടി
താരക്കൂട്ടങ്ങള്‍
കറുത്തൊരു ശൂന്യതയുടെ
ഇതള്‍ നുള്ളി അമ്പരുന്നു
എന്ത്വാടെ ഇത് !
നെട്ടനെ കെട്ടിയൊരു അമ്പരപ്പിന്‍
രശ്മി മാഞ്ഞും തെളിഞ്ഞും
തംബുരു മീട്ടൂമ്പോ
കേട്ടും കേള്‍ക്കാതെയും ഊളയിട്ടോടുന്നു
കൂകിപ്പായുന്ന വിശ്വാസങ്ങള്‍ ..
- കല|kala
- മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..
