My photo
മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..

Wednesday, December 1, 2010

കുടുംബം

പാതി ദൂരം കഴിഞ്ഞുവോ
പാതി വാക്കും
പാതി നോക്കും
പാതി മിടിപ്പും
പാതി തുടിപ്പും കഴിഞ്ഞുവോ?
പാതി നോവും
വെറുപ്പും സ്നേഹവും
കഴിഞ്ഞോ?
ഇരുപാതിയുമെടുത്തഛനുമമ്മയ്ക്കും
തിരികെക്കൊടുത്തോരിന്നെലകള്‍
മാഞ്ഞു.
പാതി മുഖങ്ങളും
നരച്ചദൃഷ്ടികളും
തളര്‍ന്ന നടകളും
മാഞ്ഞു
പൈതല്‍ നുണഞ്ഞ മുത്തങ്ങളും
ചേര്‍ത്തുറങ്ങിയ രാവുകളും
പാതി ദൂരമായൊ?
ഇനിയെത്ര നടപ്പുണ്ടു
ദൂരെ എന്റെ ശയനമണല്പുറ്റിന്‍
പുറമെത്താന്‍,
നീ വേണമെന്നുമരികെ
അന്നുമിന്നും
വളര്‍ന്ന കൈപിടിച്ചു കുട്ടികള്‍ക്കൊപ്പം
നാം നടക്കുന്നിനിയും.
പാതി ദൂരമായില്ല
എത്രയോ കാതമുണ്ട്
നമുക്കു നടക്കേണം
ദൂരമെത്രെയെന്നാലും
മതിയാവില്ല നിന്റെ യൊപ്പമീ യാത്ര..

6 comments:

ചിത്ര said...

nannayitund..

ശ്രീനാഥന്‍ said...

ഒപ്പം നടക്കുക, എല്ലാം പങ്കുവെച്ച്, എല്ലാം അനുഭവിച്ച്, കവിത നല്ലൊരു കുടുംബചിത്രം തരുന്നു!

Unknown said...

:)
kollaam

SUJITH KAYYUR said...

" Mathiyaavilla ee yaathra "

എന്‍.ബി.സുരേഷ് said...

ഓ എൻ വിയുടെ ശാർങ്ങക പക്ഷികൾ എന്ന കവിത പോലെ

കവിത ഒരു യാത്രയും
യാത്ര ഒരു കവിതയും ആവുന്നു.

പാതി നടന്നും
പപ്പാതി നടന്നും
തുണയ്ക്കുന്നു.

കവിത ഒന്നു കൂടി മുറുക്കാമായിരുന്നു.

കല|kala said...

നന്ദി
രാമൊഴി,ശ്രീ,സൊണ,സ്വപ്നമേ,സുജിത്തേ, സുരേഷേ.., നന്ദി..,