അവതാളം

വാക്കുകള്‍ കൂട്ടാമായ് ഒരുപോലെ

ചുവടുകളുയര്‍ത്തി

നൃത്തം ചെയ്ത് അടുത്തേയ്ക്കു വന്നു
അകത്തേയ്ക്കു കാല്‍ വയ്ച്ചു

മേളങ്ങള്‍ ഉച്ചത്തിലാകവേ

തണുവടര്‍ത്തിയിട്ടു ഇളം ചൂടുവിതറി

കൈപിടിച്ചവ

പറയുകയായിരുന്നു പരസ്പ്പരം.. ,

ഒരുനിമിഷം ..

കാല്‍ തട്ടി വീണൊന്നുപെട്ടന്നു

പിന്നെ പിറകേ ഓരോന്നും

ചിതറി അപരിചിതരാം

ഒറ്റയക്ഷരങ്ങാളായ് അറിയാത്തപോല്‍

തമ്മിലകന്നു പിന്തിരിഞ്ഞു

പടിയിറങ്ങി പോകുന്നെത്രവേഗത്തില്‍

തെരുവിലേക്ക് പലവാഹനങ്ങളിലായ്...!