My photo
മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..

Sunday, October 3, 2010

ജലവേരുകള്‍

സന്തോഷം  

ഒരു പുലിയെന്നെ ഭക്ഷിക്കില്ലെന്നു ഞാന്‍ ഉറച്ചു വിശ്വസിച്ചു
കാരണം ഞാന്‍ വനത്തില്‍ പോകുന്നില്ലല്ലോ
പക്ഷെ അഗ്നിയോ പുഴുക്കളോ എന്നെ ഭക്ഷിക്കുമെന്ന
ഉറപ്പു ഞാന്‍ മനപ്പുര്‍വ്വം മറന്നു.


 തുലിക .. മഷി 

സത്യം മാത്രം എഴുതി എഴുതി
അവസാനമാണ് ഞാനറിഞ്ഞത്
പേന ഒരു വലിയ  കളവായിരുന്നുവെന്നു.

 ദാമ്പത്യം .

നിനക്കെന്തേ കരയില്‍ വന്നു ശ്വസിച്ചാല്‍  എന്ന്
മാന്‍പേടയും
നിനക്കെന്തേ ജലത്തില്‍ വന്നു ശ്വസിച്ചാല്‍ എന്ന് മത്സ്യവും .

ചിന്ത 

ഞാനറിഞ്ഞിരുന്നില്ല
ശൂന്യതയാണെന്നു.. ,
എനിക്ക് പകരം ആരോ പറഞ്ഞിരുന്നു
ആരോ ചിരിച്ചിരുന്നു
ആരോ ഭരിച്ചിരുന്നു
...
അമ്പാല്‍ .. സുല്‍  സുല്ല് ..
ആദ്യം തൊട്ട്
ചിന്തിക്കട്ടെ ..

കവിത 

ഹൃദയം തുറന്ന ഒരു നിലവിളി  കവിതയല്ലത്രേ
അതിനെ  സംസ്കരിക്കെട്ടെ !
അസംസ്കൃത കല ഓരുറക്കെ നിലവിളി, തെറി വിളി
അതിനെയുമറിഞ്ഞു  പോകാതെ വയ്യല്ലോ.

ജലവേരുകള്‍

മൃദു വേരുകളെ നിങ്ങള്‍ ചില്ലുടച്ചും മതില്‍ തുരന്നും
പാറ ഭേദിച്ചും കര്‍മ്മിയാകുംപോള്‍
ശക്തിഹീനയെന്നു ഞാന്‍ മൂടിപ്പുതച്ചുറങ്ങുന്നു.
                  
                                                                      ..........................

11 comments:

കുസുമം ആര്‍ പുന്നപ്ര said...

enikku ishttappettathu dambathyam

ചിത്ര said...

..striking thoughts..

സ്മിത മീനാക്ഷി said...

ചൂടും തണുപ്പുമുള്ള ചിന്തകള്‍, ഭംഗിയുള്ള വരികള്‍...

സുനില്‍ ജി കൃഷ്ണന്‍ISunil G Krishnan said...

മഷിയും തൂലികയും ഇഷ്ടമായി...

Unknown said...

nalla kunju kavithakal
ishaayi

Rare Rose said...

വെളിച്ചത്തിന്റെ ഈ വീട്ടിലാദ്യമായാണെന്നു തോന്നുന്നു.ഇഷ്ടപ്പെട്ടു കുഞ്ഞു വരികളിലെ വലിയ ചിന്തകള്‍‍..പിന്നെ ചരിത്രത്തിലേക്ക് കൂകി വിളിച്ചു പോയ ആ തീവണ്ടിയാത്രയും..

ചന്ദ്രകാന്തം said...

നല്ല ആശയങ്ങള്‍, വരികള്‍.

Mohamed Salahudheen said...

കുറുക്കിയെഴുത്താണിഷ്ടം. നന്ദി

നസീര്‍ കടിക്കാട്‌ said...

മൂടിപ്പുതച്ചുറങ്ങുമ്പോള്‍
ഉറങ്ങുകയല്ലല്ലോ എന്ന്
ഇനിയും ഞെട്ടട്ടെ;

ഞെട്ടറ്റു വീഴട്ടെ.

തലക്കെട്ട് വേണ്ടായിരുന്നു,
നിര്‍ബന്ധമെങ്കില്‍ ഒരു സ്വരാക്ഷരം മാത്രമാകാമായിരുന്നു.

ശ്രീനാഥന്‍ said...

നല്ല ഒതുക്കം, ദാമ്പത്യം എത്ര ശരി!

കല|kala said...

വളരെ നന്ദി., കുസുമം, രാമൊഴി, സ്മിതാ...., സുനില്‍,സ്വപ്നമെ,ചന്ദ്രകാന്തം,റോസ്,സലാഹ്,നസീര്‍, ശ്രീ..നാഥ്., :)