My photo
മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..

Thursday, May 5, 2011


1.മഴപ്പാടുകൾ


ഇറ്റിറ്റുവീഴണം
പതിയേണം സത്യം മാത്രം
ചുംബിച്ചതിന്റെ
അടയാളമാകണം

2.അഗ്നിസാക്ഷികൾ

ചുണ്ടത്തിരിപ്പുണ്ടായിരുന്നു ഒരു ചുംബനം 
പ്രണയമായിരുന്നില്ല  കാമവും 
 കുട്ടികള്‍ പന്തടിച്ചു  കളിച്ചു മറഞ്ഞ ,
തിരക്കേറിയോര് കാണാത പോയ,
ഒരു ചുംബനമുണ്ടായിരുന്നു  ചുണ്ടത്ത്
സങ്കട കടലും സ്നേഹാകാശവും 
വെള്ളപുതച്ചോരി ദേഹത്തിനുള്ളില്
ഉണ്ടിപ്പോഴും 
ചുടുകാട് എത്തീട്ടും
ചുണ്ടത്തൊരു സ്നേഹം
കാത്തുവച്ചിട്ട്....



3.കടപ്പെൻസിലുകൾ

അറിയേണം
ധാരമുറിയാതെ പെയ്ത
മഴനൂലുകൊണ്ടു
നാം മേഘത്തെ
 തൊട്ടതു ,

സായന്തനത്തിന്റെ സ്വർണ്ണനൂലി
നറ്റത്താൽ സൂര്യനെ സ്പർശിച്ചതും ,


കാണാതപോയ കടപ്പെൻസിലിനറ്റത്തു
മൃതികൾക്കുമപ്പുറം
കൈമുറുക്കെപിടിച്ച്
എഴുത്തിനിരുത്തിയൊരോർമ്മയുമായ്
കാത്തിരിപ്പുണ്ടാവാം അച്ചനെനും

വേർപിരിയും ഓരോരുത്തരും
എല്ലാ അക്ഷരങ്ങളും
വളവുകളും നിവർത്തി
അപരിചിത നേർരേഖകളായ്
കടലിലേക്കു നടക്കുമെന്നും

മഴപ്പാടുകൾ ‌ഒരായിരം
സ്നേഹ മുറിവിൻ
ചുവടുകളായ്  നെഞ്ചിൽ
പെയ്തുകോണ്ടേയിരിക്കുമെന്ന
സത്യവും.


 

3 comments:

രമേശ്‌ അരൂര്‍ said...

മൂന്നു കവിതകളും ഇഷ്ടപ്പെട്ടു >>:)

ജീ . ആര്‍ . കവിയൂര്‍ said...

സ്നേഹത്തിനായി ചുറ്റും പ്രകൃതിയില്‍ കണ്ണോടിക്കുന്ന കവി ഭാവന ഇഷ്ടമായി
ഇനിയും എഴുതുക ആശംസകള്‍

vivekpayyoli said...

nannaayittund