My photo
മനസ്സൊഴുകും,മനസ്സുനിലയ്ക്കും,മരുപറമ്പും കാടും മഴയും നിലാവും രാവും വന്നുപൊയ്കൊണ്ടിരിക്കും..

Tuesday, March 4, 2008

പകര്‍ച്ചപ്പനി

ഒരോകോശവും പനിക്കയായിരുന്നു
വേദനയില്‍ ചലിക്കാനാവാതെ
നോവിന്റെ ശ്വാസം പിടച്ചിലില്‍
ഒരു കാഴ്ച്ച തന്ന
പനി

ആദ്യമായും അവസാനമായും
പ്രണയം ശ്വസിച്ചെടുത്ത
വൈറസ്സുകളെ
നെഞ്ചിലേറ്റുമ്പോള്‍
അവനു കടുത്ത പനിയായിരുന്നു

ചുടലമായ വാക്കവള്‍ക്കു കൊടുത്തവന്‍
മുഖം തിരിക്കാതെ
വിട പറയവെ
പകര്‍ന്നു കിട്ടിയതാണ്.

അതിന്റെ ഓരോമുറിവും
വിഭ്രാന്തിയും,
വിയര്‍പ്പും തണുപ്പും
എല്ലാ അവധികളും എടുത്തു
മരണം വരെ
അവളാഘോഷിച്ചു..........

No comments: